Aproximación metodológica a la implantación del gemelo digital en buques
- Ferreño González, Sara
- Vicente Díaz Casás Co-director
- Marcos Míguez González Co-director
Universidade de defensa: Universidade da Coruña
Fecha de defensa: 13 de xuño de 2022
- Jerónimo Antonio Esteve Pérez Presidente
- Pablo Fariñas Alvariño Secretario/a
- Pilar Caamaño Sobrino Vogal
Tipo: Tese
Resumo
No camiño da transformación dixital do sector marítimo cara o que se denominou como Industria 4.0 pódese identificar un elemento chave: o xemelgo dixital. Un xemelgo dixital é un modelo virtual dun produto ou dun proceso, co cal mantén un constante intercambio de información e que permite replicar o comportamento do sistema real, adaptarse aos cambios e propor melloras nel. O xemelgo dixital do buque conforma un entorno dixital que reúne toda a información existente (tanto de deseño coma de operación) e dótaa de coherencia e estrutura para conformar un conxunto con capacidades superiores á agregación de cada unha das partes de xeito individual. Nesta tese de doutoramento proponse unha metodoloxía para o desenvolvemento e a implantación do xemelgo dixital do buque. Proporase a aplicación práctica a sistemas reais do buque, abordando aspectos como: a adquisición de datos dende o sistema físico, o desenvolvemento de modelos de simulación dos sistemas ou o uso de algoritmos baseados en intelixencia artificial que permitan avanzar no camiño cara un xemelgo dixital intelixente.